Ka Office jong ka District Rural Development Agency, West Jaintia Hills District, Jowai, hynnin ka sngi 22 tarik u bnai December 2023, ka la ioh ban plie ia kawei ka ïing ba la shna lyngba ka scheme PMAY-G ha ka shnong Moosakhia kaba don hapoh ka Amlarem C&R.D. Block, West Jaintia Hills, ia kaba la aiti noh sha i Kong Solbi Suting na ka shnong Moosakhia.
Ia kane ka programme la pyniaid da u bah G. Mylliem, Block Development Officer, Amlarem C&RD Block. Ha kaba u la ai ruh ia ka jingkren pdiang bad jingaikhublei ia baroh ki ba ia don lang ha kane ka programme. La ioh ruh ia ka jingduwai na u bah Lewis Bareh, Rangbah Balang jong ka Balang U Blei na ka shnong Moosakhia.
Ha kane ka programme la ioh ia ka jingkren na u Headman jong ka shnong Moosakhia bah Deimon Suting, na u bah F.B. Basan Additional Deputy Commissioner & Project Director, West Jaiñtia Hills, na u Father Manbha Pakem, bad na u kongsan jong kane ka programme u bah B.S. Sohliya, IAS, Deputy Commissioner West Jaiñtia Hills District.
U kongsan ha ba ai jingkren u la ai khublei ia ka DRDA team bad ka Block Development Office Amlarem baroh kawei ki ba la trei shitom ban pyndep ia kane ka ïing kaba don san kamra. U la ong ruh ha kine ki sngi, ngi iohi ia ka jingiashun jingiakulmar bad jingiakynad ha baroh sawdong sawkun, hynrei mynta hangne ngi iohi ia ka jingkyrmen bad jingiatiplem para briew, ha kaba lyngba ka jingiatylli lang jong ki briew sorkar, ki nongshong shnong bad ki VO, Self Help Groups (SHGs) jong ka shnong Moosakhia la lah ban pynlong ia kane ka ïing. Kumta, u la buh ka jingkyntu ia baroh ban iai bteng ia kane ka kaba bha.
La ioh ruh ia ka jingkren na i kong Solbi Suting, kaba dei ka nongioh bynta jong kane ka skhim PMAY-G ha kaba ka la pynpaw ia ka jingsngewnguh haduh katta katta ia ka sorkar bad baroh kiba ia don bynta ban ai ha ka ia kane ka ñing kaba la long shisha kum ka jingai sngewbha Christmas ia ka longïing jong ka.
La ioh ruh ia ka Poem recitation na ka liang ka VO (Village Organisation) jong ka shnong Moosakhia, ka jingrwai na u bah Kamwakwah Muksor bad na ki staff jong ka DRDA. La ai ka jingkren ai Khublei da i kong Sammaia Lato, ITP PMAY-G.
