Ka tnad treikam jong ka Geological Survey of India (GSI) kala iashim bynta ha ka jingrakhe ba 75 taiew kaba la sdang naduh ka 12 tarik u Lber 2021 kum ka dak jong ka jingrakhe ia ka jingioh laitluid ba 75 snem ka ri India.
Lyngba kine ki 75 taiew ka GSI kala ioh ban leh shibun ki kam kiba bha ha ka imlang ka sahlang kum ka jingsynniang snam ei kaba la iashim bynta da ki ophisar bad ki nongtrei jong ka, ka jingthung dieng bad ka jingai jinghikai ha kaba iadei bad ka jingwad jingtip kaba bniah hapdeng ki samla. Ia kine ki prokram la iashim bynta da ki nongtrei jong ka GSI kiba don hangne ha nongbah Shillong, Itanagar, Gangtok, Dimapur, Agartala bad Guwahati kiba hap hapoh ka North Easter Region (NER).
Kila ai jinghikai ruh lyngba ki 3 (lai) tylli ki Webinar halor ka jingshah pynjulor jong ka mariang kum ka jingtwa khyndew bad kiwei. Nalor kine ka tnad kala ioh ruh ban ai jingiasyllok sha ki 700 ngut samla pule ha ki University bad College napdeng ki 17 tylli ki prokram.
Mynta ka sngi ruh kum ka taiew ba kyrpang ka GSI kala pynlong shibun ki prokram iaki khynnah skul bad college ha nongbah Shillong. Ia kane ka prokram la plie pyrda da u Sh. G.K. Kesari, ADG & HoD, NER ha ka jingiadonlang u Prof. Devesh Walia, Head of the Dept of Geology, NEHU, Shillong.
Ha kane ka sngi la ioh ban pyllait haduh 75 tylli ki balon kiba don ia ka khubor jong ka jingiohlaitluid “Azadi ka Amrit Mahotsav”. La don ruh ka jingai training ia ki khynnah skul jong ka St. Anthony’s College, Shillong ha Umiam Hydro Electric Project. Ka jingleit jngoh ia ki Museum bad ka jingiakop quiz. Ha kane ka sngi la pyllait paidbah ruh ia ka ‘Coffe Table Book on Geo-tourism hotsport of NE India’.
