Ki Pulit ka Anti-Narcotic Task Force (ANTF) Meghalaya hynne ka sngi ka 3 Naiwieng 2025 ki la ioh ban bat ia 2 ngut ki briew na Silchar (Assam) kiba kynthup ia u Noor Amin bad u Aftav Uddin. Kitei ki 2 ngut ki la kit ruh ia u Drok uba don ia ka jingkhia kaba 41.53 Gram.
Ia kitei ki runar la ioh bat na Madanrting, Shillong ha ka por kumba 1:30 nohphai sngi na kawei ka Kali Shimet kaba don ia u nombar ML-11 2937.
Ki Pulit ki la iathuh ba la pyngat kyndon ia kitei ki 2 ngut bad yn rah sha thanad na ka bynta ban tohkit ia kiba donkti ha kane ka kam khaï beaiñ.
