Mynta ka sngi ka JSU kala rai ban sangeh noh ia ki prokram iakhih jong ka na ka bynta ban dawa pynrung klas ia kito ki samla kiba la pass Matric hynrei ki bym pat ioh lad ban rung sha ka Class XI.
Ia kane ka rai la shim hadien ba ka JSU kala ioh da ka jingthoh na ka ophis District School Education Officer (DSEO), West Jaintia Hills District, kaba la kular ban pynmih noh da ki skul miet (Evening Shift) khnang ba yn lah ban thep ne pynrung lut ia baroh ki samla ki bym pat ioh rung klas.
Na ka liang ka JSU kala dep ruh ban phah ia baroh ki kyrteng jong ki khynnah/samla ki bym pat ioh rung klas sha ka ophis jong ka DSEO mynta ka sngi. Ka seng kala pynpaw ba da ka jingpynmih ia kine ki skul miet yn sa lah ban pynrung klas lut ia baroh ki khynnah hapoh ri Lum Jaintia ki bym pat ioh rung klas haduh mynta.
Na ka liang ka DSEO kala phah ruh ia ka jingthoh sha ka Commissioner & Secretary Education Department ban pynioh kloi ia kane ka skul miet ha Kiang Nangbah Higher Secondary, Jowai.