Ka Hynñiewtrep People Youth Front (HPYF) Central Body ka lyngngoh nalor bala jan ka tnad Public Work Department kaba don ha Shangpung North hynrei ki lynti ïait kjat (Footpath) ki dang ïoh ban jot lane long krem ha ki bynta jong ka shnong Shangpung, West Jaiñtia Hills.
Ka seng ka kyrpat ïaka ophis P.W.D ba ka dei ban marmot lane leit peit khnang ban lait naka jingmynsaw ïa ki nongleit nongwan khamtam haka por mynmiet mynïong.
Naka liang u nongïalam ka seng u ma E. Syiem Sutnga ula ong lada ka tnad P.W.D Road Shangpung North kam lah ban shimkhia ïaka jingkyrpad jong ka seng, hapoh shi bnai ka seng kan sa hap ban leh da kiwei ki lad ki lynti.
Shuh shuh ka seng ka dawa ruh ban thaw lane shna ïaka jingkieng ïaid kjat ba na jrong u surok ban ïoh jam na shiliang sha shiliang khnang ba ki khynnah skul jong ka Kilo Mitar School kin lait naka jingma, namar katei ka jaka ka long kaba i ma namar ki nongñiah kali ki kham pynstet ha katei ka jaka.