Amlarem: Ka seng FKJGP War Jaiñtia Circle hadien baka la lap ba ki don ki Truck kiba kit palat pud (Over load) kiba iaid lyngba kane ka surok Amlarem, Padu Nong bareh bad Kudeng wat hadien ba ladep mana ba ia ki kali kiba kit palat ïaka 9 ton ym shah ban ïaid lyngba kane ka surok namar ba baroh ki jingkieng kiba don ha shilynter jong kane ka surok kim lah shuh ban shan nalor ka 9 ton.
Kane kala pynlong ïa ka seng ba kan leit ïa kynduh ïa u AEE PWD Roads uba dei peit ïa ka Amlarem Sub-Division ha ophis treikam jong u.
Katkum ka jingtip jong ka seng ba ka jinghap ka truck mynha ka 3/9/2025 haka jingkieng Amsohkhri kadei ka jingbymlah shan shuh jong kane jingkieng namar ba la khia palat ka jingkit.
Kumta na ka liang ka seng maham jur ïa ki kali kiba pynkheiñ ia kane ka kyndon bad yn leh da kaba tyngeh lada ki dang ïai bteng nangne shakhmat.
Kane ka long kat kum ka kyrwoh bala phah da u President bad Secretary ka FKJGP War Jaiñtia Circle.
