Hadien ba ngi iohi ba ka sorkar India ka la mynjur ha ka budget 2024- 2025 ban leh Survey ia ki ar tylli ki jaka ki ban pynpoi sha Jowai ka wei ka Jowai Khliehriat Chandranathpur 79km bad kaba ar ka Chaparmukh Jowai line 180km. Ka Jaintia Students Union (JSU) central body ka la maham jur ia ka sokar ba kam dei bam leh da ka bor ia kane ka railway.
Ka daw ba ka JSU ka pyrshah ia ka railway ba haduh mynta ngim pat don ia ki ain ba tikna ban teh lakam ia ki bar jylla, lada ka ka rel ka ioh ban wan shapoh Ri Jaintia ka jingma ka la ap lypa ia ki ne ki lum ki ba itynnad jong ngi, ngi la iohi ka ei ba jia Hapoh Them mator bad lum survey.
Ngi iohi ruh ba ka jingdon ka rel hapoh nongbah Delhi, Assam kam wan rah jing myntoi ia ka Meghalaya namar ka dor ki tiar ki long kumjuh. Na ka liang ka JSU ka la maham ia ka Sorkar ba kam dei bam leh bor ia ka jing pyrshah jong u paitbah kumjuh ruh ka JSU ka la maham ia ka JHADC ba kam dei ban pyndon kam bakla ia ka bor haba ia dei bad kane ka issue.
Ka JSU ka kyrpat ia ki waheh Shnong, sengbhalang ban iatreilang bad ban pyrkhat bunsien hashwa ba kin ai jingkyrshan ia ka ne ka issue.
