Ka Khasi Students’ Union (KSU) West Jaiñtia Hills District Unit bad ka FKJGP West Jaiñtia Hills Zone mar ïa tip ïaka jingïakhajia hapdeng ki ar jait bynriew (Karbi bad Pnar) hynnin hi ka sngi Palei kila leit hiar syndon daka kynhun hapoh ka jingïalam u Vice President ka KSU samla Chanbor War, ha ryngkat ka FKJGP naduh u General Secretary u samla Nangkhrawbor Rani ban leit ai mynsiem ïaki paradoh parasnam kiba mad ïaka jingshah hiar thma haki Karbi da ki bun bun sien.
Ha kane ka jingleit ai mynsiem ki ar seng ïaki nongshong shnong Lapangap kila ïoh ban ïa kynduh ïaki nongïalam Shnong naduh u Waheh Shmong bad ruh ïa kiba mynsaw ha katei ka jing ïa khajia.
Na ka liang ki ar seng ki la ban jur naka sorkar ban shimkhia mardor ïa kane ka kam namar ba ka aiom ot kba ka la dei bad ban pyntikna ba ki nongrep kin ïoh ban lum ban lang ïa u kba na ki lyngkha jong ki. La dawa na ka sorkar ba ka dei ban phah shuh ïaki bor pulit bad ki bor ba khlaiñ ban ïada ïa ki nongrep khnang ban kin ïoh ka jingshngaiñ haba ki leit sha ki lyngkha kba.
Ban wanrah ai ka jingshong suk shong shngaiñ ha katei ka jaka khappud ki ar seng kila kyntu ïa ki briew ka Karbi ba kim bit shuh ban wan pynthut ïa ki nongrep na ka shnong Lapangap ban lei ot ïa u kpa, da kaba kren shai lada ki dang ïai bteng ban pyndik kum ka seng kim banse ban pyni syndon da ka bor.
