Ki paidbah na kylleng ki konstitwensi ha ka 21 tarik Rymphang 2025 ki la mih shakhmat ban leit thep ia la ki vote na ka bynta ka MDC Elekshon sha KHADC.
Ka jingjied ia ki MDC sha KHADC kan long 29 ngut bad ki Kyrtong kiba iakhun ia ka Elekshon MDC ki don kumba 158 ngut na ki konstitwensi bapher bapher jong ka KHADC.
Haba ioh ban iakren bad katno katne ki Kyrtong kiba iakhun ia kane ka MDC Elekshon sha KHADC ki pynpaw ia ka jingkyrmen ba kin poi sha ka thong ha kane ka MDC Elekshon bad na ka liang jong ki Kyrtong ki kyrpad ia ki paidbah ba kin mih shakhmat ban thep ia ki vote khnang ba kin ioh ban iaisaid na ka bynta ka ri bad ka Jaitbynriew.
Katto katne ki Kyrtong MDC kiba la ioh ban iakren ki long u bah Pyniaid Sing Syiem jong ka NPP, u bah Teibor Pathaw kyrtong shimet, u bah Thomas Passah jong ka KHNAM bad u bah Manuel Badwar jong ka INC.
