Hynnin ka sngi (17/9/21) ki nongshong shnong jong ka Dong ïurim Mynsngat hapoh ka jingialam u Secretary u Klet Dhar kila ia mih paidbah ban pynkhuid ia ki lynti iaid kjat (Footpath) kiba iaid paidbah lyngba u Surok, ia ki lynti umdih, lynti Saitjaiñ, bad ia ki lynti baroh kiba don ha poh ka Dong, khamtan iaka Lynti bah kaba donkam ha duh katta katta namar ba ki khynnah School kila sngew tynnad ban iaid Kjat.
Namar kane ka lynti ka long kaba khamjan ban poi sha ki school, wat lada ka long kaba khlaw bad kaba jakhlia ruh kane ka lynti kaba ki iaid sha ka School SSA UPPER PRIMARY dad kumjuh sha ka MRSA ia ka ba la dep ban Upgrade ia ka Class 9/10 naduh u Snem 2019. Ki khynnah skul ki ba leit hangne ki don na baroh ki Shnong, te kumta na ka liang ka jong ka Dong ka kyrpad ia ki bor kiba dei peit ia ka ne ka surok ki dei ban pyntrei noh, namar ba ha man la u snem kila shu leit tang ban shu thew khlem da pyntrei pat ia ka kam. Kane ka long kat kum ka kyrwoh ba la phah da u Edamon Sungoh Chairman Dong.
