Ka shnong wapung skur kaba hap hapoh East Jaiñtia Hills District mynta ka sngi ka 2 tarik u bnai ïaiong 2025 ka la ia mih paidbah ban khang lane ban pyrshah jur ia ka jingthmu jong kawei ka coke plant ban shna hapoh u pud u sam ka jong ka shnong.
Kane ka jaka kaba ki thmu ban shna ia ka Coke plant ka dei ka jaka kaba hap hapoh u pud u sam jong ka Dorbar Shnong Wapungskur, East Jaintia Hills District bad ka kyrteng jong kane ka jaka ka dei Thlukure Wahtongtiang.
Kaba buh ia ka Shnong Wapung skur ha ka um-dum ka long ba kine ki riew shim kabu ki la ioh ia ka Consent of Established na ka Meghalaya State Pollution Control Board ban shna ia ka Coke plant ha kane ka jaka khlem ka jingtip ka Dorbar Shnong Wapungskur bad klem da leh ia ka public hearing da ka Meghalaya State Pollution Control Board.
Na ka Liang u Waheh Shnong ka shnong Wapung Skur u la pynrem jur ruh ia u pa Dalloi ba u la ai ia ka NOC khlem da pyntip shwa ia ki shnong ba marjan bad ruh khlem da khot paidbah ban bishar la ki rai ne em ban ai ia ka jingkyrshan ban ioh ban shna ia ka coke plant ha kane ka jaka.