Ban mihkhmat ia ka Jylla 11 ngut ki NSS Volunteer jong ka Khrawsing Christian College, Mawngap hapoh ka jingialam jong i NSS Programme Officer, Ms. Evadondor Sten, kila leit ban iashim bynta ha ka National Integration Camp kaba la pynlong da ka Regional Directorate of National Service Scheme, North-Eastern Region, Guwahati ha ka jingiatreilang bad ka Dera Natung Government College bad ka State NSS Cell, Government of Arunachal Pradesh Itanagar naduh ka 5th to 11th January, 2024 ha kaba ki NSS volunteers na ki 15 tylli ki Jylla kila wan ban iashim bynta lang.
Ia kane ka National Integration Camp (NIC) ba 7 sngi lynter la ju pynlong manla u snem ha ki bynta bapher jong ka ri India. Ka jingthmu jong kane ka Camp ka long ban ai jingtip sha ki NSS Volunteer ia ka jingriewspah jong ka riti dustur hapoh ka ri India, ka jingdon ki kolshor bapher bapher, kaba long ka jingsngew sarong ia ka ri India.
Ha ka jingpynlong ia ka Camp ha Itanagar, ki NSS Volunteer na ka Jylla Meghalaya kila iashim bynta ha ki kolshural prokram da kaba pyni ia ka jingshad tynrai jong ki Khasi. Ki Volunteer kila ioh shibun ki jingmyntoi bad ki jingtip lyngba ki jinghikai ba la ai ha kane ka Camp kum ki Career Guidance, Youth and NSS, Youth and Life Skills, National integration and role of youth bad ka Moral education na ka bynta ki samla.
Kila iashim bynta ruh ha ka Slogan Writing, Poster Making bad ka Extempore Speech. Kila iashim bynta lang ha ka Awareness Rally kaba la sdang na Dera Natung Govt. College halor ka phang pdeng “Viksit Yuva, Viksit Bharat” kaba iadei bad ka jingaibor ia ki samla na ka bynta ka jingroi jong ka ri India. Ia kane ka Camp la plie pyrda da u Mama Natung uba dei u Myntri jong ka Youth Affairs and Sports, Water Resources and Environment & Forest, Govt. of Arunachal Pradesh uba long u kongsan ryngkat lang ka jingdon jong u Tame Phassang uba dei u Mayor jong ka Itanagar Municipal Corporation kum u symbud kongsan.
