Ka kynhun ba 9 ngut kiba kynthup ia ki nongkitkam 4 ngut bad ki dkhot 5 ngut kiba dei na ka seng HITO Jowai Circle kila phah ia ka shithi iehnohkam bad mih noh na ka seng sha u President ka HITO sengkmie naduh ka 29 tarik u Kyllalyngkot 2026.
Kine ki nongkitkam bad ki dkhot ki kynthup ia u Heisar Bareh (General Secretary), u Mewot Passah (Assistant General Secretary), u Lakhon Challam (Finance Secretary), u Pynchngain Kyndiah (Vice President), katba ki dkhot pat ki kynthup ia u Embhahlang Challam, u Toh-hi-O Lamar, u M. Dkhar, u C. Talang bad u Heibormi Myrten.
Kine ki 9 ngut kila pynpaw ba ka jingmihnoh na ka Seng HITO ka dei tang na ka daw shimet jong ki hi, kam don kano kano ka jingwit jingthut bad ka Seng ne bad ki nongialam jong ka. Kila pynpaw ka jingkitbok kitrwiang ia ka Seng bad ia ki nongialam jong ba kin nang iaid shakhmat ha ki kam shakri paidbah.
