U Myntri ka tnat Bording u AT Mondal ha ka 26 tarik Lber 2025 haba kren bad ki nongthoh khubor u la ong ba ka tnat Bording ka thrang ban pynbiang ia ka bording ha ka jylla baroh kawei. U la ong ha Shillong la donkam ban kyntiew ia ka jingbuh ia ki sub-station ban pynbiang shuh shuh ia ka bording.
Shuh shuh u Mondal u la iathuh ba naduh mynshwa ki la sdang ia kane ka project halor ka smart Meter, ha kaba na ka liang ka sorkar ka la pynkut noh ia ka jingiasoi soskular bad mynta ki la pynbna biang ban khot tender.
Shuh shuh na ka liang u Myntri ka tnat Bording u la iathuh ba ka sorkar ka la mynjur ban mang pisa na ka bynta ka pynheh ia ki sub-station ha Mawlai bad NEHU, kumjuh ruh ban buh ia ka sub-station ha Mawkhanu na ka bynta ban pynkhlaiñ shuh shuh bad ban kit ia ka jingkhia na ka bynta ka Sor Shillong. U la ong ruh ha man la ki civil hospital kiba don ha Jylla kin buh ia ki sub-station ban pynbiang bording khamtam ia ki jaka sumar.
Na ka liang u Myntri u la kyntu ia ka sorkar ban ai jaka khnang ban ioh pyndep ia ka jingbuh ia ki sub-station na ka bynta ban pynbiang ia ki bording.