Ka Kynhun Myntri ka ha 26 tarik Lber 2025 ka la mynjur ban thied ia ka wei ka ïing ha Bangalore ban iarap ia ki samla pule jong ka jylla kiba pule ha Bangalore.
U Myntri ka sorkar Jylla u Bah Paul Lyngdoh haba kren sha ki lad pathai khubor u la iathuh ka jingthmu jong ka sorkar ban thied ia ka ïing ha Bangalore ka long kum shi bynta ba kan ai jingshakri na ka bynta ki samla pule bad ki paidbah na ka jylla kiba leit don kam sha Bangalore.
Shuh shuh u la ong haba iadei bad ka jingthmu ban buh ia ka Meghalaya House ha Bangalore ki dang ia kren hynrei ban thaw ia ka Meghalaya house ka don kam ban thaw ia ki kam bapher bapher, hynrei ban ai ka jingiarap kaba kloi ka sorkar ka la thied ia kane ka īing ba kan long kum ka īing basa.