U Myntri Rangbah ka jylla u Conrad K Sangma hynne ka sngi ka 10 tarik Naitung 2025 u la lum ia ka jingialang kynhun myntri bad la mynjur katto katne ki mat ban pyntreikam ha jylla.
Haba kren sha ki lad pathai khubor hadien ba la wai ka jingialang u myntri ka tnad kam jngohkai uba dei ruh u nongaiktien ka sorkar jylla u bah Paul Lyngdoh, ula pyntip ba ka sorkar jylla ka la shim ia ka rai ban pynduh pyndam noh ia ka Personal interview ha baroh ki kam jong ka Group D.
U la pyntip ka jingshim rai ka sorkar ban pynduh pyndam noh ia ka Personal Interview ha baroh ki kam jong ka Group D la leh katkum ka jingbthah na ka tnad Personal & Public Grievances & Pension jong ka Sorkar India.
Ia kane ka jingpynduh pyndam ia ka Personal Interview ha baroh ki kam jong ka Group D yn treikam naduh ka 1 tarik Risaw 2025 khnang ban wanrah ia ka jingthep kam kaba khuid ha ki tnad bapher bapher jong ka sorkar jylla la pyntip u bah Paul Lyngdoh.
