La pyllait paidbah ia ka Digital India programme ha ka 1 tarik Naitung, 2015 ban pynlah ban pynpoi ia ki jingdonkam jong ki nongshong shnong lyngba ki mobile phone bad kiwei kiwei pat ki kor komputer. Kane ka la iarap ha kiba bun ki khep.
Ka jingialang jong ka kynhun ki myntri ka sorkar pdeng kaba la pyniaid da u Myntri Rangbahduh ka Ri, u Narendra Modi, ka la mynjur ia ka jingpyniar bad pynheh ia ka Digital India programme ha ka jinglut kaba la kot sha ka T. 14,903 crores.
Kane ka jingpyniar ia kane ka projek kan iarap ban :
· Kumba 6.25 lak ki briew kiba trei ha ki kam Information Technology kin ioh lum ia ki jingtip kiba thymmai kiba ia dei ba ka Technology bad ba kin lah ban ai sha kiwei pat ia ki jinghikai kiba kham bha hapoh ka Future Skills Prime Programme.
· Yn ai jinghikai ia 2.65 lak ki briew kumno ban iada ia ki jingtip baroh hapoh ka Information Security & Education Awareness Phase (ISEA) Programme.
· Kumba 540 yn dang pynmih ia ki kam hapoh ka Unified Mobile Application na ka bynta ka New-age Governance (UMANG) app/platform. Ia mynta, ki la don kumba 1,700 ki kam hapoh ka UMANG
· Yn buh sa kumba 9 tylli ki kor Komputer kiba khlaiñ bad stet treikam hapoh ka National Super Computer Mission. Kane kan long nalor ba la don lypa 18 tylli ki kor computer kiba khlaiñ bad stet treikam.
· Ka Bhashini AI, ka kor Komputer kaba lah ban pynkylla ia ki ktien (ha ki shiphew tylli ki jait ktien) yn pynmih baroh 22 tylli ki thup ne list jong 8 tylli ki jait ktien.
· Ka jingkyntiew ia ka National Knowledge Network (NKN) kaba katkum ka juk ba mynta kaba pyniasoh ia ki 1,787 tylli ki jaka pule.
· Yn pynioh ia Ka MSMEs bad kiwei pat ki kynhun ne seng ia ka DigLocker kaban lah ban pyntikna ia ki kot ki sla kiba ia dei bad ki nongshong shnong.
· Yn ai jingiarap ia kumba 1,200 ki kynhun ne seng katkum ka jingbuh ter ter ha ki 2 bad 3 tylli ki shnong.
· Yn buh ia 3 tylli ki Centres of Excellence in Artifical Intelligence hapoh ka koit ka khia bad ka rep ka riang ha ki shnong kiba lah ban kyrshan.
· Yn ai jinghikai ha ka Cyber-awareness course na ka bynta 12 crore ki khynnah pule ha ki skul bah.
· Yn shim ia ki jingpynsdang thymmai ha ki jaka ka cyber security kynthup lang ia ka jingkyntiew bad pynbha ia ki tiar ki tar kiba dei bad ki cyber bad ban tehsong bad pyntylli lang ia 200 tylli ki jaka bad ka National Cyber Coordination Centre.
· Ka jingpynbna ha kane ka sngi kan iarap ban kyntiew ia ka jingioh jingkot ha ka digital India, ban ai lad ia ki jingtrei kam ki digital services bad ban iarap ban kyrshan ia ka bor trei kam ka ri India lyngba ka Information Technology khnang ban iada ia ki jingroi ki jingthung jingtep bad ki mrad ki mreng.