Mynta ka janmiet jong ka 22.12.2023, kumba ha ka por 2:45 ei ei kawei ka jingjia aksident kala jia ha shnong Sabah-Muswang ha u surok bah NH-6. Ha kaba ha kane ka jingjia ar ngut ki briew kila mynsaw jur.
Kane ka jingjia kala jia ha kaba kawei ka trok Shaktiman ka la leit ban tynrah ia ki ar tylli ki kali kiba kynthup ia ka Manindra Bolero (Pick Up) kaba don ia u registration number ML 11 8143 bad ia ka Alto kaba don ia u registration number WB 02U 7458.
Ki ar ngut kiba mynsaw ki dei kiba shong hapoh ka kali Bolero kiba kynthup ia u Mikel Dkhar na ka shnong Thangskai, East Jaiñtia Hills District bad ka Rilangnga Sayoo na ka shnong Mulieh Raliang, West Jaintia Hills District. Katba kiba shong ha ka kali Alto pat kila shu mynsaw malu mala. Ia kiba mynsaw jur la pynkit sha Wood Land Hospital, Jowai ha Sabahmuswang ban ioh jingsumar.