Ki paidbah shnong khappud jong ka South West Khasi Hills District ki la ïoh kem sa ïa uwei u nong Bangladesh bad la suba ba u la shah bom shah tied ha ki paidbhur namar ba u la thiah lyngkthar ha madan na ka daw ka jingmynsaw jur.
Katkum ka tyllong khubor ba la ïoh lum la ïathuh ba mynta ka sngi ka 11 tarik u bnai nailar 2025 ha kapor kumba 4:30 eiei janmiet la ïoh jingtip na ki paidbah ka Kaitha Kona ba la ïoh ban kem sa ïa uwei u Nong Bangladesh u ba tip kyrteng kum u Akram uba na Janaghati Bangladesh.
Ïa une u nong Bangladeshi uba la mynsaw jur la pynkit noh wut wut sha Maheshkhola PHC ban ïoh ia ka jingsumar.
Kumba long mynta ka jingshah kem jong ka kynhun pyntriem na Bangladesh ka la poi sha ka hynriew ngut baroh ha kaba hynnin ka sngi la ïoh kem ïa uwei u nong Bangladesh u ba kyrteng u Mubarak Hussain uba la suba pyntriem ha South West Khasi Hills District ha ka taïew ba ladep.
