Saw ngut ki briew kila mynsaw na ka jingshah tied pyrthat kaba la jia ha ka 16/9/2024 haka por 2 baje nohphai sngi ha ka shnong Mowshadep, hapoh ka Laskein Block, West Jaiñtia Hills District.
Katkum ka khubor ba la iohlum la ïathuh kitei ki saw ngut ki briew ki dei kiba dang wan na ïing ïapbriew, hynrei ha katei ka por ba jur u slap kila leit ban rieh slap ha trai jong uwei u diengjri ba heh ha kaba la jia kane ka jingshahtied pyrthat. Ha kane ka jingjia baroh saw ngut kila mynsaw haduh ba kim da tip briew shuh.
Kitei kiba la mynsaw la tip kyrteng kum u H. Ting na shnong Mooshrot, u B. Tyngkan na Niawkmai, u P. Sten na shnong Mukroh bad u S. Lyngdoh na ka shnong Sahsniang.
La lap ïohi ïa kane ka jingjia da ki nongshong shnong bad la pynkit noh mar mar ïa ki sha ki jaka sumar ban ïoh ka jingsumar, napdeng kine ar ngut ki dei kiba la mynsaw jur na ka jingshah tied pyrthat.