20 ngut ki nongialehkai karate ka jylla ki ba la leit ban mih khmat ia ka jylla sha Kolkata hapoh ka shatri jong ka All Meghalaya Karate Do Association (AMKA) kin sdang ia ka jingïakhun mynta ka sngi ka 26 tarik Naitung na ka bynta ka lympung 8th International Karate Championships – Indian Challenger Cup ha Netaji Indoor Stadium.
Na ka liang jong ka tnad Meghalaya Sports and Youth Affairs (MSYA) ki la phah ia ka jingkitbok na ka bynta baroh ki nongiakhun ba kin ioh ia ka jingjop bad kin ioh ban wanrah burom ia ka jylla baroh kawei.
Ha kane ka lympung ka ban kut ha ka 28 tarik mynta u bnai, la ialam da i Kong Ester Mary Lyngdoh bad Bah Pynhunlang Kharbuli.