U Comingone Ymbon u myntri ka tnad Home Guard & Civil Defense u la pyntip paidbah mynta ka sngi ka 4 tarik Risaw 2024 sha ki lad pathai khubor halor ka jingpyntip haba iadei bad ki Recruitment jong ka Home Guard bad Civil Defense.
Na ka liang u Myntri u la pyntip sha ki lad pathai khubor ba ka jingpynlong ia ka Physical Efficiency Test na ka bynta ki post SI, Guardsmen, Driver bad non Combatance la pynsangeh shwa na ka daw ka jingjur slap bad ia ka tarik ba thymmai yn sa pyntip ha website ynda la sangeh u slap.
Ka jingpynsangeh ia ki kam mareh na ka bynta ki post bapher bapher jong ka Civil Defense & Home Guard ka dei hadien ka jingwan lynshop u slap bad ka jingioh jingmynjur na ki samla ba apply ia kane ka kam ban pynsangeh shwa bad yn sa pyntip hadien.