Mynta ka step jong ka sngi U Blei (29.10.2023), ki Pulit jong ka East Jaintia District hadien bala ioh iaka jingtip kaba thikna ba don uwei u briew ia uba la suba ba u wan rah ia u kynja jingdih pynbuiad ia u ba la tip kyrteng ruh u Rofique Uddin Ahmed uba la wan da ka Bus Night Super kaba don ia u Registration No. AS-01-FC-7788. Kumta na ka liang ki pulit ka Khliehriat kila pynap shrip ia katei ka Bus ha Khliehriat PS ha kaba ki la ioh bat ia utei u briew bad ha ka jingkhynra napoh ka pla (Beg) ka jong u la lap haduh 20 tylli ki synduk sabon kiba don ia u kynja powder ba kylla rong byrtem.
Hadien ka jingjurip bniah ia une u powder la lap ba u dei u Heroin uba don ka jingkhia haduh 274.23 Grams. Ha ka jingiadei bad kane ki pulit ki la kem ia utei u Rofique Uddin Amend uba dei u khun jong u Sowkat Ali, ba shong ba sah ha Telitakar Part 11 Asssam kaba hap hapoh ka Katogora PS.
Ha ka jing iadei bad kane la register ia ka case ha Khliehriat PS bad la pynhap ha ka sections of NDPS Act bad ka jingtohkit kaba bniah ka dang iaid sha khmat khnang ban lap shuh shuh ia ki ba dkonkti ha kane ka kam.