Mynta ka sngi ha ka por dang step kumba 6:30 AM ki Pulit jong ka Pulit Lumshnong Police Station, Eat Jaiñtia Hills District, kila ïoh ban bat ïa kawei ka Tata Sumo kaba don ïa u registration number ML05 Q 6270 katba ki dang pynlong ïa ka jingtalasi kali. Ia kane ka Sumo la niah da u Alfred R Buhril na Madanrting, East Khasi Hills District.
Haba talasi ïa kane ka Sumo ki Pulit kila ïoh ban kurup ïa tylli ki synduk sabon kiba don ïa u kynja powder ba long sawbyrtem ne rong umsoh ïa uba la suba ba u dei u drok heroin. Haba la pynlong ïa ka jingjurip bniah ïa une u powder la shem ba u dei u drok heroin bad u don ka jingkhia kaba 24.76 grams.
Ha ka jingïadei bad kane ki Pulit kila kurup ïa utei u drok, bad la bat noh ïa katei ka Sumo bad kawei ka mobile phone. Ki Pulit kila register case pyrshah ia u Alfred R Buhril uba la suba donkti hapoh ka kyndon aiñ NDPS Act.