Hadien ka jingjah rngai u hepbrit ba dang 7 snem ka rta uba kyrteng u Kyrshanbor Kharmudai ba shong ba sah ha Nongrah Block IV Lummyrboh, ha ka 7 tarik Risaw 2025 ha ka por 4:00 baje janmiet, ki Pulit hynne ka step ka 9 tarik Risaw 2025 ki la ioh ban tam noh ia kawei ka ka metïap na kawei ka jaka kaba hap ha ka shnong Mawpat law Rumnong.
Hadien ka jinglap ia katei ka metiap, ki Pulit ki la phah wan ia ki bahaing ban pyntikna la ka dei ne em ka met jong u hepbrit Kyrshanbor Kharmudai bad hadien kane ki bahaing ki la pyntikna ba ka dei ka met jong u hepbrit Kyrshanbor Kharmudai.
Na ka liang u Superintendent of Police u Bah Vivek Syiem hadien ka jingioh jingtip ba lap metiap u la wan sha katei ka jaka bad u la ong hadien ka jingpyntikna ki bahaïing ka dei ka met jong u Kyrshanbor Kharmudai uba jah rngai na Lummyrboh Nongrah bad u la pyntip ba ka jinglap ia ka met jong u Hepbrit Kyrshanbor Kharmudai la pyntikna ba u shah pyniap, bad ki Pulit ki dang pynlong ia ka jingtohkit ban lap ia ka jingshisha.
Nalor kata u SP u la ong kane ka jingjia ka la pynpar niangkhriat ia ki paidbah bad u kyntu ia ki kmie ki kpa bad ki nongshong shnong ban long kiba husiar bad ban buh ia ki kor CCTV.
Ki Pulit ki la rah noh ia ka met u Kyrshanbor Kharmudai sha Neigrihms na ka bynta ban leh ia ka post mortem bad ki kynhun tohkit jong ka tnad pulit bad ka forensic ki dang pynlong ia ka jingtohkit haba iadei bad kane ka jingjia.
