Ka Meghalaya State Legal Services Authority (MSLSA) hapoh ka jingpeit jong u Justice Revati Mohite Dere, u ba dei u Chief Justive ka Meghalaya High Court bad u Patrok in Chief, ka Meghalaya State Legal Services Authority ryngkat ka jingpeit lang u Judge ka Meghalaya High Court u Justice H.S. Thangkhiew ba dei u Executive Chairman ka MSLSA nalor kiwei de ki nongbishar, la pynlong ia ka National Lok Adalat (NLA) ha ka 14 tarik u Lber 2026 hapoh Meghalaya High Court bad ruh ha baroh ki District jong ka Jylla lait noh kiba don sha ka thaiñ Garo Hills.
Ia kane ka National Lok Adalat (NLA) la bei jingiarap da ka National Legal Services Authority (NALSA) bad ha kane ka jingbishar la wanrah haduh 496 tylli ki mukotduma. Na kine ki 496 la lah ban pyniasuk 151 tylli bad ka jinglum pisa na kine ki 151 tylli ki mukotduma kala kot sha ka Rs. 1,61,66,675/- (Shi Klur Hynriewphew Wei Hynriewphew Hynriew Hajar Hynriewspah Hynñiewphew San) tyngka.
Ia kane la iathuh da u E. Kharumnuid ba dei u Member Secretary, Meghalaya State Legal Services Authority.
