U MDC ka Jowai Central u ma A Andrew Shullai mynta ka sngi u la pyntip ba u la mih noh na ka party All India Trinamool Congress (AITC) ha kaba ula leit ban aiti ia ka shithi iehnoh seng jong u sha u President ka Meghalaya AITC u bah C. Pyngrope.
Haba iakren bad u ma Adrew Sullai lyngba ka Phone ula ong ba kane ka jingmih noh jong u na ka AITC kam dei na kano kano ka daw hynrei ka dei tang na ka daw shimet jong u hi, bad um pat pynthikna la un leit ban pyniasoh sha kano kano ka seng saiñ hima sima hapoh ka jylla.
Kum ban shuh pynkynmaw ba u ma Andrew Shullai u la iakhun teng ia ka Election MLA 2023 na ka party AITC, hynrei um shym la poi sha ka thong. Na ka liang jong u, ula ai khublei ia ka party kaba la ai ka jingkyrshan ia u ha kitei ki por bad u kitbok kit rwiang ruh ia ka party ba kan nang iaid shakhmat ha ki kam jong ka.