Ka seng Hynniewtrep Integrated Territorial Organization (HITO) mynta ka sngi (8 tarik 2023) hapoh ka jingialam u General Secretary ka sengkmie u bah Wanbun N Dkhar bad u President ka West Jaiñtia Hills District u samla Wanbiang Pulang ki la leit ban ai daka dorkhas ha u Deputy commissioner West Jaiñtia Hills District hadein baka seng kala ioh iaki dulir ban pynshisha baka Jaintia Hills Autonomous District council lyngba ka RTI ba ka JHADC kam don ia kata ka Non-Tribal Check Point.
Naka Liang ka seng ka dap daka jingsngew lyngoh ba baroh shikatta kitei ki check point ki shu pyniaid khlem da ioh jingbit naka JHADC bad naka Licensing Officer katkum ki jubab naka RTI bala ioh naka PIO Taxation Department bad kane ka jingleh jubab ka JHADC iaka RTI ka pynlong ia ngi kum ki nongialam jong ka seng ba phah leit khangnoh iakatei ka khyrdop talasi iaki bar jyllla kiba wan ban khaii pateng hapoh u pud u Sam ka JHADC bad halor kane ka seng kala ai por u Deputy commissioner shitaiew ban khang noh iakatei ka check point bad lada ym lah ban khang ka seng kan sa ujor syndon sha ing bishar.
Kum ban shu pynkynmaw ba ia katei ka RTI la file da u General Secretary ka sengkmie naduh u bnai May 2023 hynrei wat hadein bala kut 30 sngi ka PIO Taxation department kam shem la jubab iaka RTI te naka Liang u General Secretary u la ujor sha ka ophis u Chief Information Commissioner halor ka jingbym lah ban jubab hapoh ka por bala buh katkum ki kyndon ka RTI Act, hynrei hadein bala tuklar ka office u CIC ka JHADC kala ai iaka jubab dakaba ong ba ka JHADC kam don Non-Tribal Check Point kane ka jingjubab ka PIO ka pyn i baroh shi katta la shu leh be-aiñ bad pyntrei be-aiñ iatei ki gate ka JHADC khlem ka jingbit lane khlem da ioh bor naka Licensing Officer, halor katei ka jubab lyngba ka RTI ka seng kala dawa na u DC ban khang noh ia katei ka Khyrdop hapoh shitaiew bad lada ka bor District kim lah ban khang iaka ka seng kan sa leit tied sha ka jingkhang jong ka iing bishar la pynkut ka kyrwoh.