Ka jingïakynad hapdeng ki ar jaibynriew ha ki bynta khappud jong ka shnong Lapangap (Meghalaya) bad ka shnong Tahpat (Assam) kala dang ïaibteng haduh mynta bad hakum kane ka por ba la dei ban ot noh ïa u kba na ki hali pynthor.
Ka khubor sngewsih mynta ka sngi haka por mynstep katba ka jingsdang ban ot ïa u kba haka shnong Lapangap West Jaiñtia Hills District ka dang ïaid hapdeng ka jingpahara jong ki pulit ka jylla Meghalya bad Assam, la ïoh jingtip uwei u briew ïa uba la tip kyrteng Orivel Timung uba 45 snem eiei naka shnong Tapat Karbi Anglong ula khlad noh.
La antad ba kane ka jingïap jong utei u rangbah ka lah ban dei na ka jingïakynad hapdeng kitei ki ar shnong, la ong ki Pulit.
Na ka liang ki Pulit ruh kila pyntip ba kam shym la don kano kano ka jingleh na ka liang ki Pulit na baroh ar liang, hynrei kane ka lah ban jia tang na ka daw jong ki nongshong shnong ar liang mamla.
Namar ba kane ka jaka ba jia ka dang hap hapoh ka jingpeit ki pulit Meghalaya kumta la ki pulit kila register case hapoh ka Nartiang PS, katkum ka FIR Registered vide C/No 34 of 2025 hapoh ka Sections- 103(1),117(3),117(4),119(1),121(1),121(2),189(1)-191(3),195(1),195(2),329(1),331(5),332,333 BNS.
Ïa ka jingleit ot kba sha kitei ki jaka la hap ban pynsangeh noh shwa shipor tad haduh ban da pymih hukum da kumwei pat.
