U Superintendent of Police ka West Jaintia Hills District u Bikram D Marak MPS, mynta ka sngi ula pynmih ia ka jingthoh ha kaba u la kyntu ia baroh ki trai kali ne ki nongniah kali jong ka West Jaintia Hills District ba kin iasnohkti lang bad ka kynhun na Delhi ka ban tah ia ki Radium Reflector ha ki kali jong ki.
Kane ka jingtah Redium Reflector (RR) ia ki kali ka long shi bynta na ka jingpyntreikam ia ka Rules U/S 104, 138 and 138 (4) (c) jong ka Central Motor Rules-1989. Kaba long ruh shi bynta ban pynduna na ka jingjia takhuh kali ba shait jia man la ka por ha ki surok bah, kan don ruh ka jingsam ia ki First Aids Box sha baroh ki kali. Ka jingtah ia kine ki RR kan long naduh ki kali ar shaka haduh ki kali heh bad kat kum ka dor ba la buh. Kan ym don ka jingkhein dor na ka bynta ki kali sorkar. Kane ka kam kan sdang noh naduh ka 01.02.2022 haduh ka 28.02.2022 ong u SP.
Ka tnad Pulit ka kwah ba ki paidbah kin bud ryntih ia kane ka jingbthah ha kaba la aibor ha ki heh Pulit naduh ka kyrdan OC bad ki IC jong ki Police Station bad ki Beath House bapher bapher ban shimkhia ia kane ka kam.
Hynrei u SP ula pyntip ba lada don pat ka jingujor pyrshah na ka liang jong ki paidbah ka tnad Pulit kan sa shong bishar bad lada lap ba ka don ka jingleh bakla na katei ka kynhun ba pynbiang ia kine ki RR, u SP u lah ban pyndam shi syndon ia kane ka kam ha kano kano ka por.
Ka dor tah RR bad First Aids Box ka long kumne harum:-
