Ka Meghalaya Commercial Truck Owner & Driver Association mynta ka sngi ka 14 tarik Risaw 2025 ki la pynlong ia ka jingialang ha Laitkor ha kaba ki la lum ia ki dkhot na ki district bapher bapher.
Haba kren sha ki lad pathai khubor na ka liang u Nongaiktien ka Meghalaya Commercial Truck Owners & Driver Association u Bah Wanshwa Nongtdu u la pyntip haba iadei bad ka Jaintia Zones ki la rai ban pynlong da ka strike kaba khlem buh por naduh ka 27 tarik u risaw 2025, na ki daw ba na ka liang ka association kila phah arsien ki shithi sha ki Company Cement na ka bynta ban ai bylla ia ki nongniah truck kane ka kynhun ban kit ia ki Cement bad Clinker.
Kumta ka Seng ka kyrpad ia ki Dealer ba kin pynbiang ia ki cement ha man ki dukan naduh mynta ka sngi khnang ba kane ka jingiakhih jong ka MCTODA kan nym long ka jingthut na ka bynta ki nongshong shnong ka jylla haba iadei bad ka Cement bad u Clinker bad kiwei kiwei ki mar kiba mih ha Jaintia hills.
