Kum shi bynta na ka jingrakhe ia ka sngi kha jong u Mahatma Gandkhi (Gandhi Jayanti) na ka liang ki bor pyniaid District ka West Jaintia Hills kila pyntip ba lashai (30/09/2022) yn pynlong ia ka jingpynkhuid ia ki bynta jong ka Iawmusiang namar ba katei ka sngi 2 tarik ha hap ha ka sngi Sunday.
Ka jingpynkhuid ia ki bynta jong ka Iawmusiang kiba kynthup lang ia ki bynta jong ka Dorbar Shnong Tympang, ka iew CNI, ka iew Seiñ Raij bad ka iew Jowai Presbyterian (Iaw Chyiap) ka ban sdang naduh ka por 8 bad yn pyndep haduh ka por 11 baje mynstep. Kumta hapoh kitei ki kynta pynkhuid la khang lut ia baroh ki kali ban rung lyngba ka Iawmusiang lait noh tang ia kiba long emergency. La btah ruh ia baroh ki jaka pynieng kali ba ki dei ban khang lut hapoh kitei ki kynta.
U DC u la ai ka jingbthah ia baroh ki nongshnong shnong, ki nongshong dukan hapoh ki bynta jong ka Iawmusiang ban iashnohkti lang ha kane ka jingpynkhuid shnong. Kan don ka jingialang kaba lyngkot ha khmat ophis u Deputy Commissioner (Election) ha shwa ban sdang ka jingiapynkhuid paidbah.
Sa kawei ka jingkyntu na ka liang jong u DC ula ong ba ki paidbah kim dei ban wanrah ia ki jakhlia jong ki na ki ïing ki sem jong ki bad ban wan bret ha ki bynta jong ka iawmusiang.