U Deputy Commissioner ka East Jaintia Hills District u Abhilash Baranwal IAS ula pyntip paidbah ba na ki daw jong ka jingmaramot ia ka jingkieng ha Wah Lukha kaba don ha shnong Sonapur, ha ki bynta jong u surok bah NH 44 kumta la pynmih ia ka hukum ban khang ia ka jingiaid ki kali lyngba katei ka jingkieng.
Kane ka jingkhang iaid ia ki kali kan long 3 sngi kata naduh ka por 6:00 baje mynstep jong ka 12 tarik haduh ka por 11:59 shiteng miet jong ka 14 tarik mynta u bnai. Kane ka jingkhang iaid ki kali ka long ban ailad ia ki nongtrei ba kin lah ban pyndep ia ka jingmaramot ia katei ka jingkieng.