Ka jingdon jong ki samla pule kiba bym pat ioh ban rung klas ha ki jaka pule bapher bapher ha ri lum Jaintia kala pynlong ia ka sorkar jylla ban shim khia halor kane ha kaba la hap ban plie syndon ia ka jaka pule step (Morning Section) ha Government Boys Higher Sec. School, Jowai na ka bynta ka class XI Arts. Ia kane ka klas step la plie naduh mynta ka sngi (16.11.2021).
Ha kaba iadei bad kane kino kino ki samla bym pat ioh rung klas ki lah ban shim ia ki admission form na ka ophis jong u Principal katei ka skul naduh ka 18.11.21 bad ka tarik ba khadduh ban pynpoi ia ki form ba la dep pyndap kan long ha ka 26 tarik mynta hi u bnai.
