Ka Dorbar Shnong Lumshyrmit, East Jaiñtia Hills District, ka la pynbna paitbah ba kan plie biang ïa ki jaka jngoh kai pyrthei kaba don hapoh ki bynta jong ka shnong Lumshyrmit, kitei ki jaka jngoh kai kiba kunthup ïa ka Latang Falls, ka Kremlabit (Cave) bad ka kshaid Thwai Thlen.
Ïa kitei ka jaka jngoh kai la dep ban khang mynta la lai bnai, namar ba ka jingmaramot ïa u surok ban poi sha kitei ki jaka jngoh kai, mynta la dep ban pynshna ïa katei ka surok khnang ban pynsuk ïa ki nongwan jngohkai.
Kumta ïa kitei ki jaka jngohkai yn plie biang naduh ka 25 tarik u Lber 2022.
Na ka liang ka Society bad ka Dorbar Shnong Lumshyrmit ka pdiang sngewbha ïa kiba kwah ban wan kai suwari ha kitei ki jaka naduh ka 25 tarik ong ka kyrwoh ba la phah da ka Society (I.V.C.S) Integrated Village Co-Operative Society ha ryngkat bad ka Dorbar Shnong Lumshyrmit.
