Ki Nongtrei Asha hapoh ka Shatri ka Meghalaya Asha Worker Union (MAWU) ha ka 7 tarik Kyllalyngkot 2026 ki la pyntip ba kin pynlong ia ka jingsangeh treikam ha baroh kawei ka jylla naduh ka 8 tarik Kyllalyngkot 2026 haduh ba ka sorkar kan pynbeit bha ia ka jingioh jingsiew ki nongtrei Asha.
Haba kren sha ki lad pathai khubor na ka liang ka Adviser ka Meghalaya Asha Worker Union ka Kong Sony Kharjana ka la ong ba ki la dep phah da ka shithi sha u Mission Director ha ka 15 tarik Nohprah 2025 ba ka jingsiew ka dei ban poi ha ka 19 tarik Nohprah 2025 hynrei hadien ka 19 tarik Nohprah ki don ki Asha kiba ioh ia ka jingsiew bad ki don ki bym ioh tikna ia ka jingsiew.
Nalor kata ka la pyntip naduh ka 8 tarik Kyllalyngkot 2026 ki nongtrei ka Asha Meghalaya Worker Union ki la rai ban sangeh trei shipor haduh ban da ioh Ia ka rai kaba tikna na ka Sorkar.
Khatduh ka la ong ba ka jingioh ba ki dei ban ioh ka dei na ka Sorkar pdeng bad ka jingdon ki nongtrei Asha ha ka jylla ki don Ia palat 7 hajar tam bad kita ki dei ki bym ioh ia ka Jingsiew na ka Sorkar pdeng bad haduh mynta kim tip ka don jingeh ha ka tnad ka koit ka khiah ne ha ka Sorkar pdeng bad haduh mynta u Mission Director u la ong ba dang pynbeit bad ki nongtrei Asha kim lah shah shuh bad ki la rai ban sangeh shwa shipor ia ka jingtreikam tad haduh ba kin da ioh ia ka jingsiew ba thikna na ka Sorkar.
