Ka lympung ialehkai jong ka National Table Tennis Championship kaba 83 kan sdang naduh lashai ka sngi ha nongbah Shillong. Ki kynhun ba iadon bynta bad kane ka jingialehkai na kylleng ki bynta jong ka ri India kila wan poi ha nongbah Shillong naduh hynnin ka sngi.
Ha kane ka lympung kin don kumba 400 ngut ei ei ki nongiashim bynta ki ban iakhun ha ki kyrdan bapher bapher. Kiba jop ha kane ka lympung kin shah jied ban mih khmat ia ka ri India sha ka International Level.
Ia kane ka jingialehkai yn pynlong ha Indo Training Centre jong ka Sport Authority of India kaba don ha ka skul bah NEHU, Shillong.
Ia kane ka lympung yn pynhap pyrda ha ka 25 tarik mynta u bnai.