Ka seng FKJGP-East Jaiñtia Hills ha ka 28/03/2025 hapoh ka jingialam u President ka FKJGP-East Jaiñtia u bah Deihok Sumer bad u Information Secretary ka seng u Bah Michal Chyrmang ryngkat ka jingdonlang u Secretary ka FKJGP-Khliehriat Circle bah Just me Sana, ka seng kala leit ban ia kynduh ia u Executive Engineer (EE) Ka MePDCL, Khliehriat Distribution Division, Moowakhu halor ka jingioh jingujor ka seng ha kaba iadei ka jingpaw biang ka bai thang bording jong kawei ka longkmie wat haba kala dep ban siew.
Kane ka jingjia ka wanjia ha kawei ka long kmie kaba ka seng kam kwah ban pynpaw kyrteng kaba don ha Shnong Khliehriat West kata ba haka 6/02/25 lawan kawei ka slip Bai thang Bording kaba kot Rs.17,174/- (Khad hynñiew hajar Shispah hynñiew phew saw tyngka) bad ia katei ka bill ladep Siew haka 26/02/, hynrei ynda lapoi ka bill jong u bnai March kata haka 5/03/25 ki trai ïing ki kyndit ban iohi ba ka bill ka poi haduh Rs.28,902/- (Arphew phra hajar khyndai Spah ar tyngka) bad ynda check bha ia ka slip bill la shem ba la kheiñlang ia ka bill barim kata jong ka 6/02 ym tang katta kane ka longkmie ka la ong ba man ki por ki shait jia kumne hynrei da ka jingbym nang ban ujor kala siew la ka siew dei tad hadien ba ka seng kala ioh ia kane ka jingujor ka seng ruh khlem da pynslem kala leit pan jingshai na u EE ka MePDCL.
Haba iakren ka seng bad utei u heh Officer ka tnad bad ynda la dep peit bha na ka liang u EE ula kubur bala dep siew shisha ia ka bill jong u March, haba ka seng ka pan jingshai na utei u Officer haba iadei bad kitei ki jingleh thurmur ula kynnoh badei ka jingleh ka Billing Department jong ka MePDCL Shillong hynrei na ka liang ka seng kam hun ia kitei ki jingpynshai utei u heh Officer bad hadien ba la iakren pat ka seng bad u EE la ia pynbeit ba katei ka longkmie kan hap Siew sa tang ia ka Bill ba thymmai kata sa Rs.11,574/- ha ka jaka Rs.28,902/-.
Ka seng na ka por sha ka por kala dep phah jingthoh sha ka MePDCL ban ai ki Awareness programme sha ki nongshong Shnong khnang ban iashai haka rukom kheiñ rukom diah bad ki rukom Siew iaki bill hynrei ki bor badei peit kim bna bad khadduh la kyntu ia ka MePDCL ban pyrkhat ia ki paidbah namar da ka jingleh thurmur ka buh jingeh ia ki paidbah khamtam ha kum kane ka por kyrduh kam kyrduh jam pynkut ka kyrwoh na u Information Secretary ka FKJGP-East Jaintia u Bah Michal Chyrmang.