U Bah Prestone Tynsong uba dei ruh u symbud Myntri Rangbah jong ka jylla, mynta ka sngi ka 5 tarik Nailar u la pynbna ba baroh ki jaka kiba don ha ki khappud kin ngat ha ka korphiw (curfew) naduh mynta ka 6 baje janmiet haduh 6 baje mynstep.
Katkum ka jingbthah jong u Myntri, la maham ia baroh ki shnong kiba don markhap ia ka ri Bangladesh ki dei ban iatreilang bad ki bor ba dei kmih ia ki khappud khnang ban lait na kano kano ka jingjia ba sngewsih.
U la ong ruh ba kane ka korphiw kan iai bteng beit man ka sngi tad haduh ban pyllait da kawei pat ka jingpyntip. U la pynshai ruh ba kane kan treikam haduh 200 metar ka jingjngai naduh ka khappud ne 0 point.