Katkum ka kaiphod sorkar bala pynmih mynta ka sngi la paw ba ka jingpang Covid-19 katba nang mih ki sngi kala nangkiew nangkiew. Mynta ka sngi la don 96 ngut ki briew kiba la ngat ha kane ka jingpang.
Kiba khlad ruh ki don 2 ngut, iwei na East Khasi Hills bad iwei na West Garo Hills, katba kiba koit ki don 30 ngut.
Ka District kaba bun eh kiba ngat ia kane ka jingpang ka dei ka West Garo Hills kaba don 47 ngut kiba la ngat thymmai, bud sa ka East Khasi Hills 28 ngut, ka South Garo Hills 5 ngut, Ri Bhoi 4 ngut, ka East Garo Hills bad West Jaiñtia Hills mar 3 ngut, ka Eastern West Khasi, South West Garo Hills bad ka West Khasi Hills mar 2 ngut.
