U MP ka Tura haba ioh ia kren mynta ka sngi bad ki nongthoh khubor u la ong ba un iasyllok shwa bad ki paidbah ka Gambegre shwa ba un shim rai iano ban pyniakhun MLA ha kane ka elekshon shiteng samoi na Gambegre kaba la thylli mynta.
Kumban shu pynkynmaw U Saleng u dei u MLA uba la mihkhmat ia ka Gambegre na ka Seng Congress u la hap iehnoh namar u lah shah jied kum u MP ka Tura dang shen.
U la ong ruh uno uno uba mihkhmat iaka Gambegre u dei ban long u briew uba peit bad sumar ia ki paidbah katei ka thaiñ.
Hadien ba la paw ha ki lad pathai khubor ha kine ki khyndiat sngi ba la dep ka Deborah Ch Marak ka la kyntait ba kan iakhun na katei ka constituency bad ka la ong ba ka Party ka shaniah tylli ha u Saleng ban jied ia uno uno u briew uba u Saleng u kwah ban pyniakhun ha kane ka elekshon shiteng samoi ban wan na Gambegre.
Kumba paw, ka NPP kan iakhun ha kane ka elekshon shiteng samoi ka ban sa wan. Katba Ka TMC kam pat pyrkhat ei ei la ong U President u Bah Charles Pyngrope.