U Myntri Sorkar Jylla u Bah Kyrmen Shylla mynta ka sngi ka 28 tarik Naitung 2025 haba kren sha ki lad pathai khubor halor ka rung ka mih ki briew nabar jylla, u la ong ka jylla ka donbok ba don ia ka Land Transfer Act bad ka khyrnit kaba Hynriew kine ki aiñ kiba iada ia ka jingwan rung kyrthep ki briew na bar, bad ka jingkhanglad ban thied jaka ki briew kiba na bar jylla, lada ki briew na kiwei pat ki jylla ki kwah ban wan sah ha jylla Meghalaya, kaba kham kongsan ka long ba ki dei ban don ia ki kot ki sla ki ba biang khamtam ia ki bar jylla, namar kine ki ialeh ban wan shimti da ka bor ia ki jaka ki puta jong ngi, namar ka jylla ka don ha ka jingiada.
Shuh shuh u la ong ngi dang donkam ia ki aiñ kiba khlaiñ, kum ka ILP bad ka MRSSA kine ki long kiba donkam ia ka jylla, bad ngim don jingtieng namar ngi don ia ka land Tranfer Act bad ki bar jylla kim lah ban knieh ia ki jaka ki puta bad ka jylla ka donkam ia ki aiñ kiba khlaiñ bad ngi don hapdeng ka jingiada khamtam ka Land Tranfer Act.
Shuh shuh u la bynrap ym tang ha Jaintia Hills hynrei ha baroh kawei ka jylla ngi donkam ia ka jingiada bad ki aiñ kiba khlain bad ngi hap long kiba peitngor, ban khanglad ia kiba mynta ba ngin beh ia kiba hadien.
