Ka Jaintia Fishing & Environment Protection Association mynta ka sngi hapoh ka jingialam jong u President ma DH Pde ryngkat ka jingiadon lang ki dkhot, ki la leit ban aiti ia ka song jingiarap ne ka jingnoh synniang lem sha ka seng Khuid Ya ka Wah Myntdu (KYM) kaba Rs.10,000/- (Shiphew Hajar) tyngka.
Ia kane ka song pisa la aiti ha u President ka KYM u ma KL Pariat. Kane ka jingnoh synniang ka long shi bynta ban iarap ia ki nongialam jong ka KYM ki ban sa leit mihkhmat sha nongbah Delhi ha ka jingshong bishar jong ka NGT Principal Bench ha New Delhi ha ka 22-08-2025 halor ka mukotduma jong ka Wah Myntdu.
