Ka Society for Urban & Rural Empowerment (SURE) kum shi bynta jong ka jingpyntrei kami a ka Link Worker Scheme kala pynlong ia ka Health Camp mynta ka sngi 26 Lber ha ka shnong Moodymmai ka ba hap ka poh ka Thadlaskein Block. Ha kane ka programe palat 130 ngut ki nongshong shnong ki la wan shim dawai na kane ka Health camp. Haka ne ka programe la don ruh u Dr. E Lytan u ba dei u Doctor u ba la pyntbit ha ka ba ia dei bad ki khynnnah namar kata ki don ruh bun ki khynnah kiba lawan ban ioh ia ka Medical checkup ha kane ka sngi .
Iaka jingialang ban plie ia kane ka Health Camp la pyniaid da ka kong Darimika Lywait kaba long ka Zonal supervisor jong kane ka project. Ka kong Darimika Lywait ka la pynshai shaphang kane ka project Link Worker Scheme kaba trei na ka bynta ki briew ki ba lah ban ioh ia ka jingpang HIV / AIDS. Ha ka jingkren jong u Dr. E Lytan uba dei u Doctor bala pynkyrpang na ka bynta ki khynnah ba trei hapoh ka Jowai Civil Hospital, Ialong u la kyntu ia ki pait nongshong shnong ban shim ia ki jingshakri kiba la ai lyngba ka Sub Center ka ba don ha ka shnong jong ki. Ha ka jingkren jong u la kyntu ia ki longkmie ba ki wan ai check ialade ha ka por ba ki armet bad kumjuh ruh ban ai tika thikna ia ki khun jong ki. Ula ong ruh ba lah ban pynkha khun ia ki longkmie ruh ha ki sub-centre.
Ha ka jingkren jong ka kong Niwanka Shylla kaba trei kum ka Zonal Supervisor kala batai shaphang ka SURE ka ba long ka seng treimon sngewbha jong ka balang Unitaraian kaba ka ophis jong ka dei ha kompon ka ingmane kane ka Balang ha Jowai. Kane ka seng kala pyntrei ia ka Link worker scheme ka ba la bei pisa da ka Meghalaya Aids Control Society Shillong. Ia ka jingkren pdiang sngewbha la ioh na ka kong Blosom Passah kaba la mih khmat na ka bynta ka dorbar shnong Moodymmai. Ka kong Passah kala iaroh ia ka jinglong kloi jong ka Seng bad ki Doctor ban wan ai jingiarap ia ki nongshong shnong ka shnong Moodymmai.
Nalor jong u Dr. Lytan la ia donlang ruh u Dr. B. Nongkhlaw uba long u Medical and Health Officer jong ka Jowai Civil Hospital ban iarap ha kane ka Health Camp. Baroh kiba wan sha kane ka chekup kila ioh ruh ia ki dawai. Ia ki dawai la pynbiang da ka ophis jong u District Medical and Health Officer, West Jaintia Hills bad kumjuh ruh na ka ophis jong ka SURE.
