U Bah Lambor Malngiang MDC jong ka Nongkrem ha ka 08 tarik Kyllalyngkot u la leit pan jingpynshai na u CEM ka Khasi Hills Autonomous District Council (KHADC) u Bah Pyniaid Singh Syiem halor ka jingmih ki jingpyrshah na ki ar dorbar shnong kata ka Umphyrnai bad Ur Masi U Joh ia ka jingthaw shnong thymmai kaba la tip kum ka Mawsaw da ka Khasi Hills Autonomous District Council (KHADC).
Haba kren sha ki lad pathai khubor, na ka liang u Bah Lambor Malngiang u la ong, halor ka jingmih ha ki lad pathai khubor haba iadei bad ka jingpyrshah jong ki ar shong ka Dorbar shnong Umphyrnai bad UrMasi- U – Joh ia ka jingthaw shnong thymmai ia ka shnong Mawsaw da ka Khasi Hills Autonomous District Council ka la pynlyngoh ia nga kum u nongmihkhmat shapoh ka Ïingdorbar jong ka District Council ym shim la ioh ia ka jingtip ba janai haduh ban da ioh da ka jingpyntip na ka liang ka Dorbar shnong jong ka Umphyrnai bad ha kajuh ka por ka jingpyntip da ki nongkitkam jong ka Dorbar shnong Urmasi -U – Joh.
U la ong hadien ka jingpule sani bha halor ka jingmih kane ka Shnong Mawsaw hapoh lad Smit un iaid shakhmat ban iapynbiet halor kane ka kam, bad ka long halor 4 tylli, ka jingiatakhuh hapdeng kine ki 2 tylli ki shnong ka Umphyrnai bad ka Ur Masi u Joh, ka ba ar ka ia tyngkhuh bad ka Hima, bad ka iaid sa bad ka District Council.
Shuh shuh u la bynrap “ka jingwan jong nga ka long ban ioh ia ka jingpynshai kaba shai kdar halor ka jingwanrah ia ka shnong Mawsaw bad ka ba paw ba soi ia ka shithi ka paw beit jong Dy CEM KHADC bah Pynshngain N Syiem bad ha ka jingshisha ka jingpynbna ka dei ban wan beit na u Joint Secretary ba peit ia ka Elaka hynrei kaba phylla ka jingpynbna bad jingmynjur ka paw beit da ka kyrteng jong Bah Pynshngain N Syiem ka jingwad jingtip kan long beit da kaba shai kdar bad na ka liang i Paiem ba don burom i Dr Balajied Sing Syiem im pat ai kano kano ka jingmynjur halor ban wanrah ia kane ka Shnong kaba thymmai, hynrei ka la shu iaid la ka iaid kumto ban pynsted ia ka kam ban wanrah ia ka shnong thammai bad na ka liang jong u MDC Nongkrem u la ong ba u kwah ban ia pynbeit halor ka jingbym iasngewthuh bad ka jingwit hangtei hapoh ka shnong Umphyrnai bad ha UrMasi -u- Joh bad lada donkam ban iaid katkum ka aiñ hap ban iaid beit ban pynbeit ia ka kam ba don hangtei hapoh ka Nongkrem constituency”.
Haba heh ka shnong ka ju don ka jingphiah ia ka shnong ka thaw ka don pat u pud ngi hap ioh ia ka jingmynjur na ka shnong kmie shwa ban pynmih ne pynkha ia ki shnong khun, kata ka dei ka rukom peit rukom khmih, ngi don hangne u paidbah u kwah ban don kata ka jingiatreilang ka District Council bad ka Dorbar Shnong bad ki Syiem ki Hima bapher bapher haba iadei bad ka kam shnong.
U la ong “katkum ka (Administration of Elaka) Act, 1991 ka KHADC katkum ka Section 3 la kdew ban thaw shnong thymmai donkam ka jingmynjur ka shnong kmie. Da kaba pynpaw ba un sa phah jingthoh biang sha u Chief Executive Member ka KHADC u Bah Pyniaid Sing Syiem.
u Bah Lambor u la ong ba un sa ïakren bniah bad ki ar dorbar bad kumjuh bad u Syiem ka Hima Khyrim halor kane kane ka Shnong Mawsaw.
Kumba shu pynkynmaw ha ka 02 tarik u Kyllalyngkot, 2025, Ka Dorbar Shnong Ur Masi U Joh ka la kynnoh ba ka jingthaw shnong thymmai kaba la tip kum ka Mawsaw da ka Council ka dei tang ka buit arsap u Bah Pynïaid Sing Syiem ba un jop ia ka elekshon MDC ban wan na Nongthymmai.
U Bah P Wankhar, Sordar ka Shnong Ur Masi U Joh u la ong ba katei ka jingthaw shnong ia katei bynta jaka kaba dei hapoh u pud synshar ka shnong bad kaba la kam da ki kur Kharkongor na Nongthymmai bad Pohkseh hi ka dei ka bym ïahap satia.
Shuh shuh katei ka jaka la ong ba sha liang ka diang ka surok na Lad Smit sha Smit ka hap ha ka shnong Umphyrnai katba sha ka liang ka mon pat, ka jaka kaba kham bun, ka hap ha ka dorbar shnong Ur Masi U Joh.