U MLA Ka North Shillong u Bah Adelbert Nongrum ha ka 4 tarik ïaiong u la wan iakynduh ia u Chairman ka Meghalaya Industrial Development Corporation (MIDC) u James Sangma ban pan jingpynshai haba iadei bad ka jingkynnoh thied jaka kumba 300 acar da ka MIDC ha Ri bhoi.
Haba kren sha ki lad pathai khubor na ka liang u MLA Bah Adelbert Nongrum u la ai khublei ia ka Seng Confederation of Ri bhoi People ba ka ieng ha ka nongrim ban pyrshah ia ka jingkyntur pud beaiñ. U kyntu ia ka Seng Confederation of Ri Bhoi People ban iai buddien ym ba kan shu kut noh shiteng lynti.
Kum u MLA un nym trei tang na ka bynta ka issue bad ki mat jong ka konstitwensi hynrei khamtam ia ka issue ba dei jong ka Jaitbynriew ha ka States khamtam haba iadei bad ka issue jong ka khyndew ka shyiap.
U la ong ba u dang don sa kiwei pat ki sienjam ban iaid ha kaba iadei bad kane ka bynta, bad shen un sa iaid sa ka bynta ba ar ban tuklar ia ki jingkyntur pud beaiñ ki kompani bad ki ophis sorkar.