U Arpun Deb mynta ka sngi ula wan mih ha khmat ki nongialam jong ka kur Phawa/Siangshai Papiah/ Lyngdoh Phawa jong ka Ladrymbai Unit ban panmap halor ka jingkam kur jong u ialade kum u Siangshai.
Ia kane ka jingkam kur Siangshai jong utei u Arpun Deb ka long ha ka sngi ba ula shah kem ha shnong Dawki halor ka jingdonkti jong u ban pynrung ia ki nong Bangladesh shapoh u pud u sam ka India lyngba ka thaiñ Dawki.
Mynta ka sngi u Arpun Deb uba shong ba sah ha Ladrymbai ula wan ban panmap ia kane ka jingpyndonkam bakla jong u ia ka kyrteng jong ka kur Siangshai.
U Arpun ula kular ha khmat jong ki nongialam Kur baroh ba nangne shakhmat un ym pyndonkam bakla shuh ia ka kur jong ki.
Na ka liang jong kitei ki nongialam kur Phawa/Siangshai Papiah/ Lyngdoh Phawa ruh kila pdiang ia kane ka jingkam bakla jong u Arpun bad kila map noh ia u ryngkat ka jingmaham ba nangne shakhmat um dei shuh ban pyndonkam bakla ia ka kyrteng jong ka Kur.
