Haduh 59 ngut ki samla kiba kynthup ia 33 ngut ki shynrang bad 26 ngut ki samla kynthei ha kane ka 12.09.2023, ki la lah ban pyndep ia ka jingai jinghikai ne ka (Pass Out Parade) kaba dei ka wat kaba san ne ka 5th Batch.
Ia kane ka jingai jinghikai ba 45 sngi lynter la pynlong ha Sub Center Tornado Security Agency kaba don ha Umdeinlin ha shnong Iooksi West Jaintia Hills District bad la pynbam smai ia ki da u Rev R. Nongbri, ha ka jingiadonlang u ma Tranformly Bareh kum u kongsan, ma S. Sympli Symbud Kongsan, u Welbon Phawa wa man kum u senior Security Guard
ha ka liang ki tnat pulit ka thain, ki kmie ki kpa jong kitei ki samla ba pass iaka jinghikai. Iaka jingialang la pyniaid da u ma Pyndaplang Muksor uba long ruh u Camp Commander & Training Incharge jong kane ka Center.
U ma Pyndap u la iathuh ba kane ka jingia jinghikai ia kine ki samla kaba mynta ka dei ka sien ne ka wat kaba saw jong Tornado Security, u la ong ba la wanrah ia ka kum kane ka jingai jinghiakai ka long ba u pyrkhat jngai na ka bynta ka jingiohkam iohjam ki samla, namar kum kane ka jingai jinghikai ka long kum ka wait kaba ki samla ki la don lane ka lad ia ki ba kin suk ban wan ia ki kam Security namar hadien ba ki la pass ki la ioh ruh ia ki syrnot (Certificate).
U Kongsan u ma Bareh haba kren u la ong haba u peit ia kine ki samla kila pyndep ia kane ka jingai jinghikai u la sngewhun shisha haba peit ia ka rukom pdiang burom, ka akor bad leh burom jong ki, na ka liang jong u, u la kyntu ia ki ba ki dei ban long kiba sngewrit bad kiba iaishah ynda ki la ioh ia ka kam ka jam ka jong ki. Na ka liang jong u u la pynpaw ruh ka jingsngewnguh ia u ma Pyndap biang Muksor uba dei lyngba une u rangbah la lah ban wanrah ia kum kane ka jingai jinghikai kaba lah ban ai jingmyntoi ia ki samla.
La pynphuh pynphieng ia kane ka sngi da ki jingshad, jingrwai, jingrwai ieit ri, shad Comedy kiba la shim bynta da kitei ki samla ba la pyndep ia kane ka jingai jinghikai.
