Ka Seng Jaiñtia Students’ Movements (JSM) Wahiajer-Ummulong Area ha ryngkat ka Lumladaw Sport Club (Wahiajer) ha ka 21 tarik mynta u bnai kila pdiang burom ia u Samla Renaldi Dhar u rang ialehkai napoh West Jaiñtia Hills uba shong ba sah haka Shnong Wahiajer uba la lehbha haka jing ialehkai Sports Meghalaya Games 2024 bad ula lah ban khur ia 3 tylli ki takma ksiar.
Ha kane ka jingpdiang burom la don lang naduh u President (H.Supuh), Secretary (R.Dhar), Sports Secretary (P.Talang) bad ki dkhot jong ka JSM Wahiajer-Ummulong Area, ladon ruh u Rangbah Dong jong ka Lumladaw Wahiajer ma H. Muktieh) bad u Sport Secretary jong ka Lumladaw Sport Club (G.Muktieh).
Hakane ka jingpdiang burom la ioh ka jing kren na u President Jaiñtia Students’ Movements Wahiajer-Ummulong Area, u la ai ki kyntien kitbok kit rwiang shaka mynried ba thaba u Renaldi Dhar. U President H.Supuh u la ong ba iaka sap ba kyrpang bala pynkhamti da u kynrad, lada ngi pyndon kam hok iaka kan nym sepei, to pynkyntang ia ka sap ka jingtbit kaba ngi kup ha ka long rynieng, khnang ba ka lynti jingim jong ngi kan sa phuh-phieng, dei ban long kiba satar daka jing luilui mynsiem bad ialeh shitom hakawei ka sngi ka jingjop kan sakhi iaka thong. Kum ki khun ka Ri Lum Jaiñtia naka shnong Wahiajer ngi dap daka jingkmen ban iohi ia u Renaldi Dhar kum u samla napoh ka Ri Jaiñtia u ba shim bynta hakane ka Meghalaya Game bad u la khur haduh 3 tylli ki takma ksiar, kane ka long ka jingkyntu ia baroh ki samla ban bud iaka nuksa ba bha jong u Renaldi Dhar u la leh, une u samla u la long uwei uba plie iaka jingkhang shaka jingjop, daka jing tyngshaiñ ula wanrah na ka Meghalaya Game ban buh iaka shnong jong ngi haka burom la ong shuh shuh u ma Supuh.