Ka jingïaseng samla jong ka Khasi-Jaiñtia Presbyterian Assembly kaba shiphew (X) kan long ha ka Balang Presbyterian Mustem, District Mustem, Jowai Presbytery jong ka KJP Synod Mihngi, ha ki tarik 8 – 10 Iaiong 2022.
Ki nongkren ha kane ka jingïaseng ki long ha ka Sngi Saitjaiñ 9 tarik u Iaiong 2022 por 7:00 PM da i Rev. S.L. Mawblei. Ki nongkren ha ka sngi u Blei 10 tarik u Iaiong 2022 ha ka por 10:30 AM da i Rev. K. Pariat, ha ka por 1:30 PM da i Rev. I.W. Nongsiej bad ha ka por 7:00 PM da i Rev. E. F. Sohtun.
Kumban shu pynkynmaw ka shnong Mustem ka don harud ka surok bah Jowai-Amlarem bad ka jingjngai ka long 11 KM na ka sor Jowai.
Ki dkhot bad ki delegates kiba wan na ka surok Shillong-Jowai kin ïaid beit na ka surok sha Amlarem lyngba ka Bye-Pass road (ha shuwa ban poi ka sor Jowai) khnang ban kham lait na ka jingsahkut kli. Kiba wan lyngba ka Pynursla kin ïaid sha Dawki – Amlarem road shaduh Lad-Mustem. Ka Balang ka Duwai bad kyrkhu kyrdoh ïa ki dkhot bad delegates bad ki nongwan sha kane ka jingïaseng ba kin mad ïa ki jingkyrkhu jong u Blei.